Read in Norwegian. Odne čielggai ahte ovddeš sámediggeráđđi Mikkel Eskil Mikkelsen lea háldogiddagasas, ja ahte lea mieđihan iežas sivalažžan. Dat lea earenoamáš ášši, oaivvilda news Sámi politihkalaš komentáhtor Mona Solbakk otná TV-Ođđasiin. – Dát lea historjjálaččat hui duođalaš, go dákkár ášši eat leat vel vásihan Sámedikki historjjás. Ii oktage sámediggepolitihkkár, ja guhkin eret dákkár njunuš policehkkár lea ferten guođđit iežas doaimma daningo lea ráŋggáštusášši su vuostá. Son čilge ahte Mikkel Eskil Mikkelsenis (NSR) lea leamaš nanu doarjja sámediggepolitihkkárin. Son lea oainnat ožžon luohttámuša NSRa ovddastit sámediggeráđđelahttun sihke ovddeš sámediggepresideantas Aili Keskitalos ja dálá sámediggepresideantas Silje Karine Muotkas. – Son lea ieš Divttasvuonas eret, ja lea maiddái leamašan njunnošis hállamin mo berre čuovvuluvvot Divttasvuona servodat ahte savvodahttit daid háviid. Dien dáfus maid dagaha ahte dát ášši lea hui erenoamáš ja mearkkašahtti, dadjá Solbakk. Su mielas lea maid erenoamáš dat ahte Mikkelsen lea jo mieđihan iežas sivalažžan, ja čujuha diggegotti áššebáhpáriidda.
ttn-69
Ovddeš sámediggeráđđi Mikkel Eskil Mikkelsen lea biddjon háldogiddagassii – news Sápmi
